Jeu mi ndi vaiu a Festa!

Poesia in vernacolo di Pasqualino Placanica

Minatimi ntall'anchi,

minatimi nta testa,

pigghiativi a me machina,

ma non mi tuccati a Festa!

Si siti latriceddi,

si non pavati i tassi,

si 'mpaticati all’atri,

si bbandunati i cani,

c’è u Quatru da Madonna

non vi nd’ancarricati,

chi poi pi novi sabati

vi spetta mu priati.

A festa dura jorna,

a vita tanti anni,

prima iti a Prucessioni,

e poi faciti danni.

Se quandu cala u Quatru

'nci iti puru appressu

allura stati certi

chi poi tuttu è permessu.

Si vui cuntati mbrogghi

e’ cittadini i Rriggiu

dicendu: “tuttu è a postu

acca nui simu i megghiu!”

allura stati certi

chi si a Vara 'ncoddati

puru sti peccateddi

vi sunnu perdunati.

E jeu chi staiu mi vardu

chi mi mbilenu u sangu

mi viu sfilari genti

chi mancu si virgogna

a spettu u stessu, a Festa,

mi ‘nzonnu chi stavota

u Quatru si ribella

e i manda a ddu paisi.

Ma non succeri nenti,

sunnu tutti cuntenti,

pari chi non è veru

chi nd’hannu a dari cuntu.

E allura mi cunsolu

pensandu chi c’è sempri

speranza ch’i Rriggini

capisciunu c’u Quatru

non faci nenti sulu,

havi bisognu i fatti

voli vidiri a genti

chi cerca mi reagisci

voli vidiri a genti

chi jiasa a testa e dici

“chista città è a nostra!

mi si ndi vannu i latri!”

Minatimi ntall'anchi,

minatimi nta testa,

pigghiativi a me machina,

jeu mi ndi vaiu a Festa!